Узгидромет мәліметінше, демалыс күндері ауа райы біршама тұрақсыз болады. 27 декабрь, сенбі күні республика аумақтарында негізінен жауын-шашынсыз ауа райы сақталады, тек Қарақалпақстан Республикасының кей жерлерінде жаңбыр немесе қар жаууы мүмкін.
Жексенбіде Бұхара, Науаи, Ташкент, Самарқант, Жызақ, Сырдария және Қашқадария облыстарында кей жерлерде жаңбыр жауады деп күтілуде. Таулы аймақтарда жауын-шашын жаңбыр мен қар түрінде болады, ал қалған аймақтарда құрғақ ауа райы сақталады.
Ауа температурасы сенбіде 7-12 градус жылы, жексенбіде 10-13 градус жылы болады. Түнде 2 градус суықтан 3 градус жылыға дейін, жел 7-12 м/с жылдамдықпен соғады, кей жерлерде тұман түсуі мүмкін.
Ташкентте сенбі күні жауын-шашын күтілмейді, ал жексенбі күні түстен кейін жаңбыр жаууы мүмкін. Қысқасы, демалыс күндері жылы болады, бірақ кей жерлерде жаңбыр жаууы мүмкін.
“Zamin”-ді Telegram-нан оқыңыз!
