Ташкент метросында жол ақысы енді қашықтыққа қарай белгіленеді

Ташкент метрополитенінде төлем жүйесін өзгерту жоспарлануда. Оған сәйкес, метро жолақысы үшін қолданыстағы бірыңғай тарифтен бас тартылуы мүмкін.

Жаңа тәртіпте жолақы жолаушы жүріп өткен қашықтыққа немесе станциялар санына қарай есептелуі көзделіп отыр. Бұл жүйе арқылы жол жүру құны бағыттың ұзындығына байланысты болуы мүмкін.

Сондай-ақ, жолаушылар үшін күндік, апталық және айлық абонементтерді енгізу мәселесі де қарастырылуда. Мұндай абонементтер метроны тұрақты пайдаланатын азаматтар үшін қолайлылық тудырады деп күтілуде.

Жаңа төлем жүйесін 2027 жылғы 1 қаңтардан бастап іске қосу жоспарланған.