Актёрлар Женнифер Лоуренс ва Жош Хатчерстон яна «Очарчилик ўйинлари: Ўрим тонги» фильмида кўриниш беради. The Hollywood Reporter хабарига кўра, уларнинг иштирокидаги қисмлар тафсилотлари ҳозирча ошкор этилмаган.
Янги фильм сюжет Ҳеймитч Абернетининг ҳикоясига асосланади. У «Очарчилик ўйинлари»нинг ягона тирик қолган ғолиби ҳисобланади.
Бўлажак фильмда асосий ролларни Жозеф Зада, Рейф Файнз, Жесси Племонс, Эл Фаннинг ва Макенна Грейс ижро этади. Лоуренс ва Хатчерстон охирги марта 2015 йилда «Масхара қуши. 2-қисм» фильмида ушбу франчайзингда иштирок этишган эди.
«Очарчилик ўйинлари» франчайзаси Катнисс Эвердин (Женнифер Лоуренс) ҳақида ҳикоя қилади. У синглиси ўрнига ўз ихтиёри билан ўлим ўйинларида қатнашади. Ўйинларда ғолиб чиққан Катнисс тоталитар Капитолийга қарши қаршилик рамзига айланади.
Мамлакатда қўзғолон бошланиб, Катнисс озодлик учун кураш марказида қолади.
