Туриннинг «Ювентус» клуби ва Франция терма жамоасининг собиқ ҳужумчиси Давид Трезеге Аргентинага қайтди. У аввалроқ «Ривер Плейт» сафида ҳам тўп суриб, ҳатто мамлакатнинг иккинчи лигасида чемпионликни қўлга киритган эди. Бу ҳақда euro-football.ru хабар беради.
Эндиликда Трезеге клубга футболчи сифатида эмас, раҳбарият таркибида қайтмоқда. «Ривер Плейт» уни бутун бошқарув жамоаси иштирокида тақдимот маросимида таништирди.
Трезегенинг аниқ лавозими ҳозирча ошкор қилинмади. Клуб маълумотига кўра, у стратегик масалалар билан шуғулланади ва «Ривер Плейт»ни институционал даражада намоён этади.
Эслатиб ўтамиз, француз футболчи профессионал фаолиятини 2015 йилда якунлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
