Bu Yaratganning mo‘’jizasi Angliyaning Bristol shahrida yuz berdi. Miranda Meldrum ismli qizaloq bor yo‘g‘i 13 yoshda edi. Kunlarning birida fojia yuz berdi. Kutilmaganda qizaloqning miyasiga qon quyildi-yu, shol bo‘lib qoldi. U gapirish, harakatlanish tugul, ko‘z qarashlarini ham boshqara olmasdi. Qizaloqning hayotini saqlab qolish, uni oyoqqa turg‘azish uchun vrachlar uzoq vaqt harakat qilishdi. Afsuski, natija chiqmadi. Qizaloq salomatligi masalasida hech qanday o‘zgarish yuz bermadi. Mutaxassislar uni oyoqqa turg‘azish uchun atigi 5 foiz imkoniyat borligini aytib turib olishdi. Ammo ota-onasi ortga chekinishni sira xohlamasdi. Ular umid qilishardi. Mirandaning sog‘ayib ketishiga ko‘ngillarining tub-tubida qattiq ishonishardi. Onasi sira o‘ylab o‘tirmay, qo‘liga sintezatorni olib qizi yoqtiradigan kuylarni chala boshladi. Shundan bo‘lak chorasi ham qolmagandi. Chalaverdi, yig‘lab-yig‘lab sintezatorga darini to‘kib solaverdi. 54 yoshli otasi Jon ham qarab turmadi. Onasi charchaganda, qizi sevadigan qo‘shiqlarni gitara jo‘rligida ijro etdi. Kuylayverdi. Bag‘ri dog‘langancha qo‘shiqni qo‘shiqqa ulayverdi…
Qarang, xudoyimning mo‘’jizasini ko‘ring! Bristol kasalxonasidagi manaman degan vrachlarni, bo‘limdagi bemorlarni, ota-onasini, yaqinlarini hayron qoldirib, Miranda avval ko‘z qarashlarini boshqara bildi. Keyin qo‘llarini, ketidan tanasining boshqa qismlarini qimirlata boshladi. Ha, u barchaning ko‘z o‘ngida sog‘aya boshladi. Gapirishini-ku aytmasa ham bo‘ladi.
— Menga ota-onam ijro etgan kuy-qo‘shiqlar haqiqiy dori vazifasini o‘tadi, — dedi u. — Men shunchalar ularni yoqtirib, sevib tinglay boshladimki, tuzala boshlaganimni o‘zim ham sezmay qolibman…
To‘g‘ri, vrachlar Mirandaning uyiga ketishiga izn berganlaricha yo‘q. Aytishlaricha, juda ehtiyotkorlik zarur ekan. Nima bo‘lmasin, muolajalarni oxiriga yetkazish shart ekan.
Manba: Hordiq.uz “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qaysi kundalik odatlar immunitet pasayishiga olib kelishini bilasizmi?
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
Mariya Zaxarova ukrainaliklarni Amerika hindulariga o‘xshatdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Germaniyada maktab o‘quvchilari ommaviy ravishda islom dinini qabul qilmoqda
Sariqmi yoki yashil: qaysi turdagi banan foydaliroq?