Yaponiyada keksa haydovchilarga maxsus guvohnomalar berilishi rejalashtirilmoqda

  • 12 iyun 2019, 11:15
  • 327
  • Dunyo
  • Yaponiyada keksa haydovchilarga maxsus guvohnomalar berilishi rejalashtirilmoqda
    Yaponiyada keksa yoshli haydovchilar uchun maxsus haydovchilik guvohnomalari paydo bo‘lishi mumkin. Ularni 75 yoshdan kattalarga berish rejalashtirilmoqda. Guvohnoma avtomobillar haydashni cheklaydi va elektron “yordamchilar” hamda avtomatik tormozlash tizimi bilan jihozlangan avtomobillarni haydashgagina ruxsat beradi.

    Hukumat mamlakatda keksa yoshli haydovchilar aybi bilan yuz beruvchi yo‘l-transport hodisalari soni keskin oshgani sababli shunday choralar qabul qilishga qaror qilgan. Qariyalar ko‘pincha pedallarni adashtirib qo‘yishadi va yo‘ldagi vaziyat o‘zgarishiga sekinroq munosabat bildirishadi.

    Maxsus guvohnomalar dastlab ko‘ngilli tarzda odatdagi guvohnomalar o‘rniga berilishi ko‘zda tutilgan. Elektron “yordamchilar” ommalashib, arzonlashgandan so‘ng yangi guvohnomaning majburiy tarzda berilishi joriy qilinadi. Yaponiya hukumati elektron “yordamchilar” masalasini avtomobil ishlab chiqaruvchilar bilan muhokama qilmoqchi.

    Фикрлар

    » » Yaponiyada keksa haydovchilarga maxsus guvohnomalar berilishi rejalashtirilmoqda