Si Jinping Ukrainada tinchlik o‘rnatish bo‘yicha Parij bilan hamkorlikka tayyorligini bildirdi

1 daqiqa o'qish214
Si Jinping Ukrainada tinchlik o‘rnatish bo‘yicha Parij bilan hamkorlikka tayyorligini bildirdi
Foto: Stephane de Sakutin / Reuters
«Ukraina bilan bog‘liq inqiroz qanchalik uzoq davom etsa, uning Yevropa va dunyoga yetkazadigan zarari shunchalik katta bo‘ladi, Xitoy Yevropa qit’asi tez orada tinchlik va barqarorlikka qaytishiga umid qiladi va xalqaro hamjamiyat, jumladan, Fransiya bilan inqirozni hal qilishning oqilona yo‘lini topishda hamkorlik qilishga tayyor», - deyiladi Xitoy yetakchisi Si Jinpingning Fransiyaga tashrifi munosabati bilan e’lon qilingan maqolasida. U 5 may, yakshanba kuni Xitoy hukumati saytida, shuningdek, Fransiyaning Le Figaro gazetasida chop etildi.

Matnda ta’kidlanganidek, «Xitoy Ukraina inqirozining manbayi ham, uning tomoni yoki ishtirokchisi ham emas», ammo XXR «bu inqirozni tinch yo‘l bilan hal qilishda konstruktiv rol o‘ynadi». So‘nggi dalil munosabati bilan, Si bir necha bor «BMT Nizomining maqsadlari va asoslari, barcha mamlakatlar suvereniteti va hududiy yaxlitligini hurmat qilish hamda barcha tomonlarning qonuniy xavfsizlik manfaatlarini hisobga olish»ga, yadro qurolidan foydalanishga yo‘l qo‘ymaslikka chaqirganini eslatdi.

Makron va Si o‘rtasidagi muzokaralarning ehtimoliy mavzulari

Ayni paytda, AFP yozganidek, Si Jinpingning Parijga tashrifi chog‘ida Fransiya prezidenti Emmanuel Makron uchun asosiy ustuvor vazifa uni «Rossiyani (Ukrainaga qarshi urushda) qo‘llab-quvvatlash qanchalik xavfli» ekani haqida ogohlantirish bo‘ladi.

O‘z navbatida, inson huquqlari tashkilotlari, xususan, Human Rights Watch (HRW) Makronni Xitoyda uyg‘urlarga nisbatan munosabat va jurnalistlarning qamoqqa olinishi masalasini ko‘tarishga chaqirmoqda.

Makronning o‘zi 4 may kuni The Economist nashriga bergan intervyusida «Xitoyni xalqaro tartib barqarorligini ta’minlashda ishtirok etishga majburlash» G‘arb manfaatlariga mos ekanini aytdi. O‘sha intervyuda Fransiya prezidenti Xitoyni xalqaro savdo qoidalarini buzayotganlikda aybladi va Yevropa «strategik manfaatlarini hurmat qilishi» kerakligini aytdi, deb eslatdi AFP.

Si Jinping Yevropaga safari davomida tashrif buyuradigan boshqa ikki davlat - Vengriya va Serbiya kuzatuvchilar tomonidan Yevropada Rossiyaga nisbatan eng do‘stona davlatlar sifatida ko‘riladi.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?