Yadro urushi sodir bo‘lsa, sayyoramizning holi ne kechadi?

  • 22 avgust 2019, 10:37
  • 2 641
  • Dunyo
  • Yadro urushi sodir bo‘lsa, sayyoramizning holi ne kechadi?
    Foto: «InoSMI»
    Xudo ko‘rsatmasin, Yerda yadroviy urush boshlanib ketsa, oqibati nima bilan tugaydi? Olimlar ana shu savolga «Atmosfera iqlimiy modeli»ning zamonaviy 4D-talqini yordamida javob olishdi. Tadqiqot natijalari esa «Geofizik tadqiqotlar» jurnalida chop etildi.

    Global yadroviy urush iqlimga qanday ta’sir ko‘rsatishini atmosfera hodisalari tabiati bo‘yicha mutaxassis Joshua Kup Rutgers universiteti (Nyu-Jersi)dagi hamkasblari bilan birga o‘rgandi.

    Tajriba bosh mavzusi — AQSh va Rossiya o‘rtasidagi potensial nizo!

    Tajribadan olingan xulosalar
    Ikki mamlakatning o‘zaro yadroviy zarbalar almashishi oqibatida Yerda 10 yillik qish hukm suradi. Global havo harorati keskin pastlab, eng yuqori harorat Selsiy bo‘yicha +9 darajadan tepaga chiqmaydi.

    Yadroviy nizo sayyoramizni zulmatga cho‘ktiradi, yuzaga kelgan yong‘inlar atmosferaga 147 million tonna qurum sochib, quyosh yuzini butunlay to‘sib qo‘yadi. Ana shu «qora parda»ni ochishning o‘ziga yetti yil, keltirgan oqibatlaridan tiklanishga yana uch yil ketadi.

    Yadroviy urush musson mavsumlari hamda El-Nino siklini ham o‘qidan chiqarib yuborishi mumkin. Shimoliy qutbiy oqim kuchayib, vaqti kelib Arktika va Shimoliy Yevroosiyoda haroratni nul darajadan ham pastlatib yuboradi.

    O‘z tadqiqotlari natijalarini izohlasharkan, olimlar shuni alohida ta’kidlashdi: to‘laqonli yadroviy hujum avvalo «tashabbuskor-mamlakatning o‘z joniga qasd qilishi»ga barobar. Shunday ekan, bunday muhim qarorlarni qabul qiluvchilar nizo qanday iqlimiy oqibatlarda namoyon bo‘lishini bilib qo‘yishsa yomon bo‘lmasdi.

    E’tiborli jihati, olingan natijalar 2007 yili NASA xuddi shu mavzuda o‘tkazgan tadqiqot prognozlarini tasdiqladi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Yadro urushi sodir bo‘lsa, sayyoramizning holi ne kechadi?