23 dekabr kuni O‘zbekiston Respublikasi Moliya vazirligi xodimlari yoppasiga ishdan bo‘shatildi. Kun.uz manbasi bergan axborotga ko‘ra, vazirlikda kamida 50 kishi ishdan ketgan.
Ishdan bo‘shatilganlar orasida boshqarma boshliqlari Irina Golыsheva (Soliq va bojxona tarif-siyosati boshqarmasi), Sh.Haydarov (Buxgalteriya hisobi va audit uslubiyoti boshqarmasi) hamda A.Abdullayev (Sanoatning bazaviy tarmoqlari, yoqilg‘i-energetika majmui va geologiyani rivojlantirish moliyasi va tarifni tartibga solish bosh boshqarmasi) ham bor. Shuningdek, ikki nafar boshqarma boshliqlari o‘rinbosarlari ishdan olingan.
Manbaning ma’lumotiga ko‘ra, ommaviy ravishda ishdan bo‘shatishga Moliya vazirligidagi kamchiliklar, byudjet xalqchil qilinmagani va yil davomidagi boshqa ko‘plab muammolar sabab bo‘lgan.
Eslatib o‘tamiz, O‘zbekiston Prezidenti Shavkat Mirziyoyev 22 dekabr kuni Oliy Majlis Senati va Qonunchilik palatasi a’zolariga Murojaatnomasida Moliya vazirligida tozalash ishlari o‘tkazishga buyruq bergandi.
U O‘zbekiston bosh vaziri o‘rinbosari — moliya vaziri Jamshid Qo‘chqorovga yuzlanib, vazirlikni tozalashga 10 kun muhlat bergan, «yosh bo‘lsada, Vatanni sevadigan odamlar»ni ishga olishga chaqirgandi. Aks holda Qo‘chqorovning o‘zi ishdan ketishi haqida ogohlantirilgandi.
Prezident Jamshid Qo‘chqorovning joriy faoliyatidan noroziligini bildirarkan, u taqdim etgan hisobotlarda Ostrogorskiy ta’siri borligini ta’kidlagandi.
Prezident «Ostrogorskiy» deb Moliya vazirligining Davlat byudjeti bosh boshqarmasi sobiq boshlig‘i Ella Ostrogojskayani nazarda tutgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Qaysi kundalik odatlar immunitet pasayishiga olib kelishini bilasizmi?
Toshkentda 02 kodli avtoraqamlar taxminan qachon paydo bo‘lishi aytildi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi