O‘zbekiston Respublikasi Milliy xavfsizlik xizmatining tezkor xodimlari Harbiy prokuratura va Bosh prokuratura huzuridagi Departament xodimlari bilan hamkorlikda Samarqand viloyatida harbiy poligon qurilishi bilan bog‘liq tenderda yordam berish uchun pul talab qilgan firibgarni qo‘lga oldi. Bu haqda MXX vakili «Daryo»ga xabar berdi.
1974 yili Toshkent viloyatining Piskent shahrida tug‘ilgan va ayni vaqtda Olmaliq shahrida yashovchi, «Kompozit arsenal stroy» MChJ rahbari O‘tkir Abdunaimov pudratchi tashkilotlardan birining bosh direktoridan firibgarlik yo‘li bilan xorijiy valyutada yirik miqdorda pul olishga harakat qilgan.
U Samarqand viloyatida umumiy qiymati 42,5 milliard so‘mni tashkil etadigan harbiy poligonni qurish bo‘yicha o‘tkaziladigan tenderda yutib chiqishda go‘yoki yordam berish evaziga 50 ming AQSh dollari so‘ragan.
Aytish joizki, bu O‘.Abdunaimov bilan bog‘liq birinchi qonunbuzarlik emas. Xususan, 2016 yilning oktyabr oyida u yuqorida tilga olingan pudratchi tashkilot bosh direktorining qarindoshlaridan birini aldashi oqibatida, direktorning qarindoshi Sirdaryo viloyatida yo‘l qurilishi jarayonida o‘z ishchilaridan 50 million so‘m qarz bo‘lib qolgan.
Yangi ToshMI atrofida firibgar 20 ming AQSh dollarini avans sifatida olayotgan vaqtda ushlandi.
Hozirgi paytda O‘zbekiston Respublikasi Harbiy prokuraturasi tomonidan O‘tkir Abdunaimovga nisbatan Jinoyat kodeksining 168 (Firibgarlik) va 211 (Pora berish)-moddalari bo‘yicha jinoyat ishi qo‘zg‘atildi. Tergov harakatlari olib borilmoqda. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Amerikalik olimlar barcha uchun birdek foydali jismoniy faollik turini aniqladi
Zoir Mirzayev “Telefonsiz maktab”ga 300 mln so‘m mukofot berdi
Rossiya dunyodagi birinchi vodorod yoqilg‘ili avtomobilni taqdim etdi
Mariya Zaxarova ukrainaliklarni Amerika hindulariga o‘xshatdi
AQSHning G‘azodagi siyosatidan norozi Davlat departamenti rasmiysi iste’foga chiqdi
Qaysi kundalik odatlar immunitet pasayishiga olib kelishini bilasizmi?