Oʻzbekiston - Eron (0:1) oʻrtoqlik uchrashuvidan keyingi matbuot anjumanining birinchi qismida mehmonlar bosh murabbiyi Karlush Keyrush qatnashdi.
"Bugun juda ham chiroyli oʻyin boʻldi. Ikkala jamoa ham yaxshi oʻyin koʻrsatishdi. Bugungi oʻrtoqlik uchrashuvi juda yaxshi oʻtdi deb ayta olaman.
Bugungi oʻyindagi natija muhim emas edi. Shunga qaramay oʻyin juda ham qiziqarli boʻldi. Bu oʻyin Osiyo kubogiga tayyorgarlik vazifasini oʻtaydi. Oʻzbekiston doim Eron bilan yaxshi oʻyin koʻrsatib keladi. Masalan, Jahon chempionatidan oldin Oʻzbekiston Tehronga kelib oʻrtoqlik uchrashuvi oʻtkazishgandi", - deydi Keyrush.
- Sizning qoʻl ostingizda Eron terma jamoasi yaxshi oʻyin koʻrsatib kelmoqda. Kelajagingiz haqida nima deya olasiz?
- Osiyo Kubogida chempion boʻlish juda ogʻir. Sababi Yaponiya, Janubiy Koreya, Avstraliya va Oʻzbekiston ham buni istaydi. Ammo chempion juda qiyin. Kelajagim haqida gapiradigan boʻlsam hozircha shartnomaga qoʻl qoʻyganim yoʻq va kutayapman. Bu bizning ichki ishimiz hisoblanadi.
- Siz anchadan buyon Eronda ishlayapsiz. Qosimov, Abramov, Babayan, Kapadze va bugun Kuper jamoasini magʻlub etdingiz. Qaysi oʻyinda Oʻzbekiston kuchliroq oʻynaganini aytib bera olasizmi?
- Ektor Kuper bir oy oldin terma jamoani qabul qilib oldi. Siz bosh murabbiyga ishonishingiz kerak. Bugun ham jamoaingiz yaxshi oʻynadi, sekin-sekin Oʻzbekistonning oʻyini kuchayib borishiga shubha yoʻq.
- Oʻyin davomida siz asosan qarshi hujumda gol urish va shu natijani saqlab qolishga harakat qildingizmi?
- Bugungi oʻyin shunchaki tayyorgarlik vazifasini oʻtab berdi. Jahon chempionatidan oldin bizning taktikamiz boshqacha edi, endi taktika oʻzgardi. Sababi Jahon chempionati va Osiyo kubogi boshqa-boshqa musobaqalar. Bugun koʻplab yosh futbolchilarga imkon berdik. Chiziqlar oʻrtasidagi bogʻliqliklarni tekshirib koʻrdik.
- May oyida Tehronda Oʻzbekiston bilan oʻrtoqlik uchrashuvi oʻtkazgan edinglar. Oʻsha oʻyin bilan bugungi oʻyin oʻrtasida qanday farqni sezdingiz?
- Eron terma jamoasi bosh murabbiyi sifatida bir nima deyishim mumkin. Oʻzbekiston terma jamoasi safida kuchli futbolchilar koʻp. Janubiy Koreyadagi Son Xon Min, bizdagi Sardor Azmun va Oʻzbekistondagi Odil Ahmedov Osiyoning top futbolchilari hisoblanadi.
Manba: championat.asia
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi