3 423
Jahon chempionlarimizga "Treker", "Jentra" va "Neksiya 3" avtomobillari topshirildi (Foto)
Xabaringiz bor, 8-21 sentyabr kunlari Rossiyaning Yekaterinburg shahrida boks bo‘yicha jahon chempionati bo‘lib o‘tdi.
Ushbu jahon birinchiligida o‘zbekistonlik charm qo‘lqop ustalari har qachongidan ham muvaffaqiyatli ishtirok etib, 3 ta oltin, 1 ta kumush va 1 ta bronza medallarini qo‘lga kiritishdi. Bu orqali yigitlarimiz jahon chempionatini umumjamoa hisobida birinchi o‘rinda yakunlashdi.
Bugun, 30 sentyabr kuni poytaxtimizdagi "Olimpiya shon-shuhrati" muzeyida bokschilarimizni taqdirlash marosimi bo‘lib o‘tdi. Unda O‘zbekiston Respublikasi Bosh vazirining birinchi o‘rinbosari, O‘zbekiston boks federatsiyasi raisi Achilbay Ramatov, O‘zbekiston Milliy olimpiya qo‘mitasi prezidenti Rustam Shoabdurahmonov, Jismoniy tarbiya va sport vaziri Dilmurod Nabiyev, sportchi va murabbiylar, ommaviy axborot vositalari xodimlari va boshqalar ishtirok etishdi. Bu haqda boks federatsiyasi matbuot xizmati xabar berdi.
Tadbir davomida Achilbay Jumaniyazovich so‘zga chiqar ekan, sportchilarimizni qo‘lga kiritilgan muvaffaqiyat bilan muborakbod etdi. Ushbu muvaffaqiyat zamirida mamlakatimiz Prezidenti Shavkat Mirziyoyev tomonidan qaratilayotgan e’tibor turganini alohida qayd etib o‘tdi. Shuningdek, erishilgan yutuq bilan to‘xtab qolmaslik, maqsad qilingan ishni hozircha bir qismigina bajarilganini, Tokio Olimpiadasida bundanda ulkan zafarlar kutilishini ta’kidladi.
Bundan tashqari tadbir davomida terma jamoamiz murabbiylari Marat Qurbonov, Rahmatjon Ro‘zioxunov, bokschi Bahodir Jalolov va Dilshodbek Ro‘zmetovlar ham so‘zga chiqib, ushbu e’tibordan mamnun ekanliklarini aytishdi. Kelajakda bundanda yirik muvaffaqiyatlarga erishishlarini qayd etishdi.
Shundan so‘ng jahon chempionati qahramonlariga "Prezident sovg‘asi" - avtomobillar taqdim etildi. Jahon chempionatida oltin medalni qo‘lga kiritgan Shahobiddin Zoirov, Mirazizbek Mirzahalilov va Bahodir Jalolovlarga "Treker" avtomobili, kumush va bronza medali sohiblari Dilshodbek Ro‘zmetovga "Jentra", Bobousmon Baturovlarga "Neksiya 3" avtomobillari kaliti topshirildi.
Shuningdek, terma jamoamizning muvaffaqiyatida o‘z hissasini qo‘shgan murabbiylarga ham pul mukofotlari taqdim etildi.
Tadbir yakunida ishtirokchilar esdalik uchun suratga tushishdi.
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
