TR IIV OVIR (viza va ro‘yxatga olish bo‘limi)ning ma’lum qilishicha, Tojikiston va O‘zbekiston fuqorolarining qo‘shni davlat hududlarida vizasiz 30 kun bo‘lishini ta’minlovchi “Fuqorolarning o‘zaro bordi-keldisi” to‘g‘risidagi Shartnoma imzolanganidan so‘ng, mazkur hujjatni olish maqsadida ko‘plab fuqorolar murojaat qilmoqda.
Uzoq yillar mobaynida ilk bor Tojikiston IIV viza va ro‘yxatga olish bo‘limi oldida uzundan uzun navbatlar ko‘zga tashlanmoqda. Vazirlikning ma’sul xodimlaridan biri Muhsin Hamidovning ma’lum qilishicha, avvallari odamlar pul topish maqsadida Rossiyaga borish uchun xorijga chiqish pasportini olgan bo‘lsa, endilikda ko‘pchilik O‘zbekistonga borish maqsadida xorijiy pasport olmoqda.
U qancha odam xorijga chiqish pasportini olish uchun murojaat qilgani borasida javob berishga qiynaldi, biroq uning aytishicha, murojaat qiluvchilar soni Tojikiston va O‘zbekiston o‘rtasida vizasiz rejim to‘g‘risida Shartnoma imzolashdan avvalgiga qaraganda 30 foiz ko‘pdir.
Yaqinda O‘zbekiston va Tojikiston o‘rtasida o‘rnatilgan tartibga binoan, ikki mamlakat fuqorolari qo‘shni mamlakatga faqat xorijga chiqish pasporti bilangina tashrif buyurishlari mumkin.
Tojikistonning xorijga chiqish biometrik pasportining rasmiy narxi $75 ni tashkil qiladi. Bunga qo‘shimcha ravishda 75 somoni miqdorida davlat boji va 40 somoni xizmat haqi to‘lanadi.
Manba: Tnews.uz
“Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lukashenko G‘arbga tahdid bilan chiqdi
Qaysi kundalik odatlar immunitet pasayishiga olib kelishini bilasizmi?
Toshkentda 02 kodli avtoraqamlar taxminan qachon paydo bo‘lishi aytildi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi