Ўзбекистонда Диний таълим муассасаларига қабул имтиҳонлари натижалари эълон қилинди » Ўзбекистон янгиликлари – Zamin.uz

Ўзбекистонда Диний таълим муассасаларига қабул имтиҳонлари натижалари эълон қилинди

Жамият 18-07-2016, 16:00 1 544
Ўзбекистонда Диний таълим муассасаларига қабул имтиҳонлари натижалари эълон қилинди

Жорий йилнинг 12 июль куни Ўзбекистон мусулмонлари идораси тасарруфидаги 9та ўрта махсус ислом билим юртларида 2016-2017 ўқув йили учун қабул имтиҳонлари бўлиб ўтди. Диний таълим муассасаларида 2016-2017 ўқув йили учун қабул имтиҳони натижалари Ўзбекистон Республикаси Вазир Маҳкамаси ҳузуридаги Дин ишлари бўйича қўмита томонидан эълон қилинди, деб ёзмоқда "Qalampir.uz" нашри.

Унга кўра, қабул имтиҳонлари икки босқичда ўтказилган бўлиб, биринчи босқичда “Она тили” фанидан диктант, иккинчи босқичда “Маънавият асослари”, “Чет тили”, “Тарих” фанлари бўйича тест синов шаклида бўлиб ўтди.

Қабул имтиҳони натижалари жорий йилнинг 15 июль куни эълон қилиниб, имтиҳон натижаларига кўра энг юқори балл тўплаган абитуриентлардан 204 нафари ўрта махсус ислом билим юртларига ўқишга қабул қилинди.

Маълумот учун, 2016-2017 ўқув йили учун ўрта махсус ислом билим юртларига жами 1313 нафар абитуриент ҳужжат топширган бўлиб, шундан 203 нафари аёл-қизлар билим юртига тўғри келади.
loading...


Zamin.uz нинг Google+’даги расмий каналига обуна бўлиб, янгиликлардан хабардор бўлинг.