Жорий йилнинг 28-30 август кунлари Самарқанд шаҳрида “Жаҳон тамаддуни тарихида Марказий Осиё ренессанси” мавзусида халқаро конференция бўлиб ўтади. Бу ҳақда Ўзбекистон Фанлар Академияси матбуот хизмати хабар берганлигини Qalampir.uz нашри маълум қилмоқда.
Анжуман Марказий Осиё олим ва мутафаккирларининг абадий тарихий меросини чуқур ўрганиш ва англаш, мамлакат ва жаҳон жамоатчилигини ўзбек мутафаккирларининг аниқ, табиий фанлар ва ислом илмлари ривожига қўшган ҳиссаси билан таништириш, илмий марказлар ва дунёнинг етакчи олимларини уларнинг ишлари ва кашфиётларини ҳар томонлама ўрганишга жалб этиш, ушбу беқиёс интеллектуал бойликни кўз қорачиғидек асраш ва оммалаштириш мақсадида ўтказилмоқда.
Мазкур конференция 2014-йил Самарқанд шаҳрида “Ўрта асрлар Шарқ алломалари ва мутафаккирларининг тарихий мероси, унинг замонавий цивилизация ривожидаги роли ва аҳамияти” мавзуида бўлиб ўтган конференциянинг мантиқий давоми экани қайд этилган. Конференцияда IХ-ХII асрларда Марказий Осиё Уйғониш даврининг таркибий қисмларидан бўлган ислом илмлари бўйича бой мерос ҳам муҳокама қилинади.
Конференция ишида Муҳаммад ал-Хоразмий, Аҳмад ал-Фарғоний, Абу Райҳон Беруний, Ибн Сино, Маҳмуд аз-Замахшарий, Мирзо Улуғбек, Алишер Навоий ва бошқаларнинг, шунингдек, Имом ал-Бухорий, Бурхониддин Марғиноний, Имом Исо ат-Термизий, Абу Мансур Мотуридий каби диний уламоларнинг илмий мероси таҳлилига алоҳида эътибор қаратилади.
Мутафаккир олимларнинг илмий фаолияти таҳлилига багъишланган мамлакатимиз ва хориждаги етакчи тадқиқотчиларнинг маърузаларида Марказий Осиёда IХ-ХII ва XIV-XV асрларда рўй берган илмий маданий уйғонишнинг турли жиҳатлари кенг ёритилади.
Конференция ишида YUNESKO, IHT, AYSESKO, IRSIKA каби нуфузли халқаро ташкилотлар, дипломатик корпус вакиллари, жаҳоннинг йирик музейлари, илмий ва таълим муассасалари вакилларининг иштироки кутилмоқда.
Конференция ўрта асрлар Марказий Осиё олимларининг меросини ҳамкорликда ўрганиш шаклида Ўзбекистон ва етакчи хорижлик олимлар ўртасида яқин илмий ҳамкорликни йўлга қўйиш борасидаги муҳим босқич бўлиши қўшимча қилинган. Конференция якунида тезислар тўплами чоп этиш режалаштирилмоқда. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мария Захарова украиналикларни Америка ҳиндуларига ўхшатди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Велосипедда сайр қилиш учун 3 сабаб: ёшартиради, оздиради ва умрни узайтиради
Владимир Путин «Крокус»да содир этилган теракт учун ўч олишга чақирди
Россия дунёдаги биринчи водород ёқилғили автомобилни тақдим этди
Зоир Мирзаев “Телефонсиз мактаб”га 300 млн сўм мукофот берди
“Толибон” Афғонистоннинг Хост вилоятида беш нафар фуқарони қамчи билан жазолади
Америкалик олимлар барча учун бирдек фойдали жисмоний фаоллик турини аниқлади