«Реал Мадрид» раҳбарияти яқин ойларда жамоанинг мураббийлик масаласини ҳал қилишни режалаштирмоқда. Клуб президенти Флорентино Перез келаси ёзда жамоани бошқариш учун Жозе Моуриниони асосий номзод сифатида танлади. Бу ҳақда Goal.com xabar беради.
«The Athletic» нашрининг хабар беришича, 63 ёшли португалиялик мутахассис 13 йилдан сўнг Мадридга қайтиши кутилмоқда. У ҳозирда кетиши кутилаётган Алваро Арбелоанинг ўрнини эгаллаши мумкин бўлган энг асосий даъвогар бўлиб турибди.
Моуринионинг «Бенфика» билан 2027-йилгача шартномаси бор, бироқ унинг келишувида 3 миллион евро миқдоридаги товон пули кўрсатилган. Бу маблағ «Реал Мадрид» учун муаммо туғдирмайди.
Мураббийнинг ўзи келажаги ҳақидаги саволларга аниқ жавоб бермай, ҳаммаси клуб тузилмасига боғлиқлигини таъкидлади.
Мадридликлар аввалроқ Юрген Клопп ва Диде Дешам номзодларини кўриб чиққан эди, бироқ ҳар икки мутахассис таклифни рад этган. Шунингдек, номзодлар орасида Лионель Скалони ва Себастян Хеннесс ҳам бор эди.
«Реал Мадрид» жорий мавсумда совринсиз қолиш арафасида турибди. Жамоа Испания кубогидан чиқиб кетди, чемпионатда эса «Барселона»дан 11 очко ортда қолмоқда.
Чемпионлар лигасидаги юриш эса чорак финалда «Бавария»га қарши ўйинлардан сўнг якунланди.
“Zamin”ни Telegram'да ўқинг!
