«Атлетико» бош мураббийи Диего Симеоне ҳужумчи Хулиан Алвареснинг ёзги трансфер ойнасида «Арсенал»га ўтиши борасидаги хабарларга муносабат билдирди. Мураббий Лондон клуби аргентиналик футболчини кузатиб бораётган элита жамоалар қаторида эканини тасдиқлади. Бу ҳақда Goal.com хабар беради.
Европа Чемпионлар лигаси ярим финалининг «Арсенал»га қарши дастлабки учрашуви олдидан ўтказилган матбуот анжуманида Симеоне ўз юлдузига бўлаётган қизиқишларни изоҳлади. Унинг сўзларига кўра, кучли ҳужумчининг Европанинг етакчи клублари эътиборида бўлиши мутлақо табиий жараёндир.
«Арсенал» айни дамда Англия Премьер лигасида пешқадамлик қилмоқда ва таркибни кучайтириш учун Алварес номзодини асосий мақсадлардан бири сифатида кўрмоқда. Футболчининг келажаги борасидаги якуний қарор мавсум якунлангач қабул қилиниши кутилмоқда.
“Zamin”ни Telegram'да ўқинг! 
