«Бавария» ҳужумчиси Харри Кейн дунё футболидаги энг яхши тўққизинчи рақамли ўйинчи деб эътироф этилди. Унинг собиқ жамоадоши Пол-Жозе МъПоку нима учун англиялик форвард Килиан Мбаппедан устун эканлигини тушунтириб берди. Бу ҳақда Goal.com хабар беради.
МъПоку Кейнни ўз авлодининг энг буюк ҳужумчиси деб ҳисоблайди. Унинг таъкидлашича, Кейн нафақат гол уриш, балки жамоавий ўйинда ҳам Карим Бензема каби фойдали ҳаракат қилади.
У ассистентлик қилиш ва ҳужумларни ташкил этишда бошқа ҳужумчилардан ажралиб туради.
Харри Кейн «Тоттенхэм» ва Англия терма жамоаси тарихидаги энг яхши тўпурар ҳисобланади. Германияга кўчиб ўтгач, у «Бавария» сафида 141 ўйинда 138 та гол уриб, кўплаб рекордларни янгилади.
Ҳозирда у «Олтин тўп» соврини учун асосий номзодлардан бири бўлиб турибди.
Экспертларнинг фикрича, Кейн фаолиятининг сўнгги йилларида майдондаги ўрнини ўзгартириши мумкин. Унинг ўйин услуби ва майдонни кўриш қобилияти келажакда ўнинчи ёки саккизинчи рақамли ярим ҳимоячи позициясида ўйнашига имкон беради.
Кейн яқин орада Европа Чемпионлар лигаси ярим финали доирасида «PSJ»га қарши майдонга тушади. Англия терма жамоаси сардори 2026 йилги жаҳон чемпионатида ҳам жамоасининг асосий етакчиси бўлиши кутилмоқда.
“Zamin”ни Telegram'да ўқинг!
