А Сериянинг 19-турида «Рома» сафарда «Лечче»ни 2:0 ҳисобида мағлуб этди. Рим клуби учрашув давомида ўйин ритмини назорат қилиб, вазиятни ишончли бошқарди. Бу ҳақда kursiv.uz хабар беради.
Меҳмонлар илк дақиқалардан прагматик ва эҳтиёткор услубни танлади. 14-дақиқада позицион ҳужум якунида ҳисоб очилди: ҳужумни Браян Кристанте бошлаб берди, зарбани эса Эван Фергюсон аниқ якунлади. Шундан кейин «Рома» асосан тўп ва майдон ҳудудларини назорат қилишга эътибор қаратди, «Лечче»нинг қанотлардан қилган уриниши эса сезиларли хавф туғдирмади.
Иккинчи бўлимда мезбонлар фаолликни оширишга уринди, бироқ римликлар ҳимояси хотиржам ва хатосиз ўйнади. 72-дақиқада бурчак зарбасидан сўнг «жаллоросси» яна бир гол урди: Артём Довбик жарима майдони ичида эпчиллик кўрсатиб, тўпни дарвозага йўллади. Бу гол интрига масаласини ёпди.
«Рома» қолган вақтни ортиқча таваккалсиз, тартибли ўтказиб, ғалабани якунига етказди. Гасперини жамоаси чемпионлик пойгасида муҳим очколарни қўлга киритди, «Лечче» эса яна очкосиз қолиб, омадсиз сериясини давом эттирди.
“Zamin”ни Telegram'да ўқинг!
