Янги йилнинг илк кунида Ўзбекистонда қанча чақалоқ дунёга келди
2026 йил 1 январь куни Ўзбекистонда 1094 нафар чақалоқ дунёга келди. Улардан 539 нафари ўғил, 555 нафари қиз болалар. Энг кўп туғилиш Фарғона вилоятида қайд этилган, у ерда 138 нафар чақалоқ туғилган. Республика бўйлаб 4913 нафар тиббиёт ходими байрам кунлари аҳолига тиббий хизмат кўрсатиш учун навбатчилик қилмоқда.
2026 йил 1 январь куни соат 17:00 ҳолатига кўра, Ўзбекистон бўйлаб жами 1094 нафар чақалоқ дунёга келди. Туғилган болаларнинг 539 нафари ўғил бола, 555 нафари эса қиз болани ташкил қилди.
Ҳудудлар кесимида энг кўп туғилиш Фарғона вилоятида қайд этилди. Бу ҳудудда 138 нафар чақалоқ туғилган. Кейинги ўринларда Сурхондарё вилояти 135 нафар, Самарқанд вилояти 125 нафар, Қашқадарё вилояти 121 нафар ва Наманган вилояти 110 нафар кўрсаткич билан жой олган.
Энг кам туғилиш Сирдарё вилоятида кузатилиб, у ерда 19 нафар чақалоқ дунёга келган. Шунингдек, республика бўйлаб 17 та эгизак ҳолати қайд этилган бўлиб, жами 37 нафар бола туғилган.
Байрам кунлари аҳолига сифатли тиббий хизмат кўрсатиш мақсадида мамлакат бўйлаб 4913 нафар тиббиёт ходими навбатчилик асосида иш олиб бормоқда.
Изоҳлар 0
…