Deloitte мутахассислари 2024/2025 йилги мавсум бўйича футбол клубларининг даромадларини таҳлил қилди. Ҳисобот натижаларига кўра, даромадлар рейтингида етакчиликни «Реал» эгаллади ва 1 миллиард евро маррасидан ошган дунёдаги ягона клуб бўлди — мадридликларнинг кўрсаткичи 1,161 миллиард еврони ташкил этди. Бу ҳақда euro-football.ru хабар беради.
Иккинчи ўринда Ла Лиганинг яна бир гранди «Барселона» қайд этилди: каталонияликлар 974,8 миллион евро даромад олди. Кучли учликни эса 860,6 миллион евро билан «Бавария» якунлади.
Топ-10 рўйхатининг қолган қисмидан «ПСЖ» (837 млн евро), «Ливерпул» (836,1 млн), «Манчестер Сити» (829,3 млн), «Арсенал» (821,7 млн), «Манчестер Юнайтед» (793,1 млн), «Тоттенҳем» (672,6 млн) ва «Челси» (584,1 млн) жой олди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
