"Чисаго Фире" Левандовскини сотиб олиш фикридан қайтди

АҚШнинг "Чисаго Фире" клуби Польша терма жамоаси ва "Барселона" ҳужумчиси Роберт Левандовскини сотиб олиш фикридан қайтди. Аввалроқ Америка жамоаси тажрибали форвардни ўз сафига қўшиб олишга жиддий қизиқиш билдираётган эди. Бироқ сўнгги маълумотларга кўра, клуб раҳбарияти ушбу трансферни амалга ошириш ниятида эмас. Бу ҳақда Goal.com хабар беради.

Левандовскининг Испания клуби билан амалдаги шартномаси жорий йилнинг июн ойида якунига етади. Футболчи узоқ вақтдан бери МЛС жамоалари билан боғланиб келаётган эди. Шунга қарамай, "Чисаго Фире" вакиллари польшалик юлдузнинг трансфери бўйича музокараларни тўхтатишга қарор қилишди.

Клубнинг бундай қарорга келишига жамоанинг ҳозирги ҳужумчиси Ҳуго Куйперснинг ажойиб спорт формасида эканлиги сабаб бўлган. Раҳбарият янги ҳужумчи қидиришдан кўра, мавжуд таркибни сақлаб қолишни афзал кўрмоқда. Левандовски эса ёзги трансфер ойнасида ўзига янги жамоа излашига тўғри келиши мумкин.