«Антальяспор» футболчиси Георгий Джикиянинг агенти Владимир Кузьмичёв россиялик ҳимоячининг келажаги борасида фикр билдирди. Бу ҳақда euro-football.ru хабар беради.
Агентнинг айтишича, Джикиянинг ҳолати яхши, клуб ҳамон унга таянмоқда. Сўнгги учрашувларда у майдонга тушмагани сабаби — кичик жароҳат бўлган, ҳозир эса тўлиқ тикланган ва кейинги ўйинда қайтиши кутилмоқда.
Аввалроқ ОАВда турк клуби «Спартак»нинг собиқ сардори билан хайрлашмоқчи экани ҳақида хабарлар тарқалган эди.
Джикиянинг Туркия чемпионатининг жорий мавсумида 12 та учрашувда қатнашиб, 2 та гол ургани қайд этилди. Унинг «Антальяспор» билан шартномаси 2027 йил ёзигача амал қилади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
