«Манчестер Сити» бош мураббийи Хосеп Гвардиола Чемпионлар лигасининг навбатдаги учрашувида «Галатасарай»га қарши баҳсда жамоага ёрдам бера олмайдиган футболчилар рўйхатини маълум қилди. Бу ҳақда euro-football.ru хабар беради.
Мутахассиснинг айтишича, Марк Гехи, Антуан Семеньо ва Родри ушбу ўйинда майдонга туша олмайди. Шунингдек, Нико Гонсалес, Савио ҳамда Жон Стоунз ҳам тўлиқ тикланмаган ва учрашувга тайёр бўлмайди. Гвардиола жароҳатлар ва тайёргарлик билан боғлиқ муаммолар рўйхати анча узун эканини таъкидлади.
Мураббий жамоа ҳозирча турнир жадвалида биринчи саккизликдан жой олмаганини эслатиб, мухлислар қўллаб-қувватлаши «Сити»га куч беришига умид билдирди. Унга кўра, вазият фақат «Манчестер Сити»нинг ўзига боғлиқ эмас, бироқ топ-8 учун курашни давом эттириш учун аввало ўз ўйинини албатта ғалаба билан якунлаш зарур.
Чемпионлар лигаси умумий босқичининг сўнгги тури доирасидаги «Манчестер Сити» — «Галатасарай» учрашуви 28-январ куни бўлиб ўтади ва 01:00 да (Тошкент вақти билан) бошланади.
“Zamin”ни Telegram'да ўқинг!
