«Manchester Siti» bosh murabbiyi Xosep Gvardiola Chempionlar ligasining navbatdagi uchrashuvida «Galatasaray»ga qarshi bahsda jamoaga yordam bera olmaydigan futbolchilar ro'yxatini ma'lum qildi. Bu haqda euro-football.ru xabar beradi.
Mutaxassisning aytishicha, Mark Gehi, Antuan Semenyo va Rodri ushbu o'yinda maydonga tusha olmaydi. Shuningdek, Niko Gonsales, Savio hamda Jon Stounz ham to'liq tiklanmagan va uchrashuvga tayyor bo'lmaydi. Gvardiola jarohatlar va tayyorgarlik bilan bog'liq muammolar ro'yxati ancha uzun ekanini ta'kidladi.
Murabbiy jamoa hozircha turnir jadvalida birinchi sakkizlikdan joy olmaganini eslatib, muxlislar qo'llab-quvvatlashi «Siti»ga kuch berishiga umid bildirdi. Unga ko'ra, vaziyat faqat «Manchester Siti»ning o'ziga bog'liq emas, biroq top-8 uchun kurashni davom ettirish uchun avvalo o'z o'yinini albatta g'alaba bilan yakunlash zarur.
Chempionlar ligasi umumiy bosqichining so'nggi turi doirasidagi «Manchester Siti» — «Galatasaray» uchrashuvi 28-yanvar kuni bo'lib o'tadi va 01:00 da (Toshkent vaqti bilan) boshlanadi.
“Zamin”ni Telegramʻda oʻqing!
