Ўзбекистонда ўртача иш ҳақи қанчага ошгани маълум бўлди
2026 йилнинг I чорагида Ўзбекистонда ўртача ойлик иш ҳақи 6,82 миллион сўмни ташкил этди. Тошкент шаҳри энг юқори маош тўланадиган ҳудуд бўлиб, у ерда ўртача 11,7 миллион сўм маош олинмоқда. Энг паст иш ҳақи Қашқадарё вилоятида 4,66 миллион сўмни ташкил этган. Банк, суғурта ва лизинг соҳаларида эса ўртача иш ҳақи 18,6 миллион сўмга етади.
2026 йилнинг I чорагида Ўзбекистон ҳудудида ўртача ойлик маош 6,82 миллион сўмни ташкил қилди. Бу ҳақда Миллий статистика қўмитаси ҳисоботида маълум қилинган.
Маълумотларга кўра, Тошкент шаҳри республика миқёсида энг юқори маош тўланадиган ҳудуд сифатида етакчиликни сақлаб қолмоқда. Ўртача ҳисобда пойтахтда 11,7 миллион сўм маош олинмоқда. Кейинги поғонани 8,45 миллион сўм кўрсаткич билан Навоий вилояти эгаллаган.
Энг паст иш ҳақи Қашқадарё вилоятида қайд этилган бўлиб, у 4,66 миллион сўмни ташкил этган.
Юртимизда энг юқори маош банк, суғурта, лизинг, кредит ҳамда воситачилик соҳалари ҳиссасига тўғри келмоқда. Ушбу йўналишларда ўртача иш ҳақи тахминан 18,6 миллион сўмни ташкил этмоқда.
Энг паст ойлик маош эса қишлоқ, ўрмон ва балиқ хўжалиги тармоқларида кузатилган — 3,5 миллион сўм атрофида. Шу билан бирга, соғлиқни сақлаш ва ижтимоий хизматлар соҳаси ходимлари ўртача 4,11 миллион сўм, таълим тизими вакиллари эса 4,61 миллион сўм маош олган.
Изоҳлар 0
…