Артета YCHL ҳакамларини қоидаларга амал қилмасликда айблади

Микел Артета Чемпионлар лигаси ярим финалида "Арсенал" ва "Атлетико" ўртасидаги 1:1 ҳисобидаги дурангдан сўнг ҳакамларнинг қарорини кескин танқид қилди. У Эберечи Эзе учун белгиланган пеналтининг VAR орқали бекор қилинишини "мутлақо қабул қилиб бўлмайдиган" ҳолат деб атади. Бу ҳақда Goal.com хабар беради.

Учрашувнинг 78-дақиқасида захирадан майдонга тушган Эзе Давид Ханко томонидан йиқитилди. Ҳакам Данни Маккелие дастлаб пенальти белгилади, бироқ узоқ давом этган VAR текширувидан сўнг ўз қарорини ўзгартирди.

Артета бу ҳолат ўйин натижасига таъсир қилганини таъкидлади.

Артета ўйиндан сўнг берган интервьюсида: «Кийиниш хонасига қайтиб, йигитлар билан гаплашиб, пенальти ҳолатини кўрганимдан сўнг, бу жуда ҳафсалани пир қилади ва асабийлаштиради, чунки бу қоидаларга зид эди ва ўйин боришини ўзгартирди», деди. У қарорни 13 марта кўриб чиқиб, ўзгартириш мумкин эмаслигини қўшимча қилди.

Ўйинда пенальтилар муҳим рол ўйнади. Дастлаб Виктор Гёкерес "Арсенал"ни олдинга олиб чиққан бўлса, кейинроқ Жулиан Алварес "Атлетико" учун ҳисобни тенглаштирди.

Бен Уайтнинг жарима майдончасида тўпни қўли билан ўйнагани учун белгиланган пенальти ҳам баҳсларга сабаб бўлди.

Собиқ футболчи Жейми Каррагер ҳам Чемпионлар лигасидаги ҳакамлик қарорларини танқид қилиб, қўл билан ўйнаш қоидалари бўйича хавотирларини билдирди. Артета эса расмий норозилик билдириш масаласини клуб раҳбариятига қолдиришини айтди.

Шунга қарамай, Артета жамоасининг финалга чиқиш имкониятларига ижобий қарайди. У футболчиларининг қийин вазиятдаги ҳаракатларини юқори баҳолаб, жавоб ўйинида ўз мухлислари қаршисида ғалаба қозонишга умид қилмоқда.