Европа Чемпионлар Лигаси яримфинал босқичининг илк баҳслари якунлангач, UEFA ҳафтанинг энг яхши футболчиси совринига номзодлар рўйхатини эълон қилди. Ушбу рўйхатдан икки йирик юлдуз — Усмон Дембеле ва Антуан Гризманн жой олди.
Париж клуби сафида тўп сураётган Дембеле ПСЖнинг "Бавария"га қарши 5:4 ҳисобидаги ғалабасида ҳал қилувчи фигурага айланди. Франциялик ҳужумчи мазкур баҳсда 2 та гол уриб, яна бир голга ассист берди ва жамоасининг ғалабасида асосий роль ўйнади.
Иккинчи номзод — мадридликларнинг етакчиларидан бири "Атлетико" Мадрид аъзоси Гризманн бўлди. У "Арсенал"га қарши 1:1 ҳисобидаги ўйинда жамоасини ортидан эргаштира олди, майдонда фаол ҳаракат қилиб, ҳужум ва ҳимояда барқарор ўйин намойиш этди.
Шу тариқа, икки француз футболчиси ҳафтанинг энг яхшиси бўлиш учун ўзаро рақобатга киришди. Ҳар иккиси ҳам ўз жамоасида ҳал қилувчи рол ўйнаб, юқори даражадаги перформанс кўрсатди.
Маълумот ўрнида, чоракфинал босқичидан кейин бу номга Майкл Олисе — "Бавария" вингери сазовор деб топилган эди.
Қисқача айтганда, яримфиналнинг илк баҳслари нафақат интрига, балки индивидуал маҳорат жиҳатидан ҳам бой ўтди. Энди эса мухлислар ва экспертлар қайси футболчи бу сафар энг яхшиси деб топилишини интиқлик билан кутишмоқда.
