«Фенербахче»нинг собиқ футболчиси Линкольн португалиялик мураббий Жозе Моуринёнинг ўзига бўлган муносабатидан норози эканини айтди. Моуринё Истанбул жамоасини 2024–2025 йилларда бошқарган. Бу ҳақда euro-football.ru хабар беради.
Линкольннинг сўзларига кўра, мураббий унга берган ваъдасини бажармаган ва бу ҳолатни ҳурматсизлик деб баҳолаган. Футболчи «Халл Сити»га ижарага кетишидан олдин Моуринё билан гаплашгани, у эса ёзги йиғинга Португалияга чақиришини айтганини таъкидлади.
Бироқ мавсум якунлангач, Линкольн йиғинга чақирув кутган, таржимон орқали Моуринё билан боғланмоқчи бўлганида эса мураббий мулоқотдан бош тортиб, спорт директорига мурожаат қилишни айтган. Натижада жамоа Португалияда бўлган пайтда Линкольн ҳам Португалияда уйида турганига қарамай, у Истанбулга юборилган ва алоҳида шуғулланиш топшириғини олган.
Футболчи ўзига нисбатан адолатсиз муносабат бўлганини, кўплаб ўйинларда клубга фойда келтириш учун борини берганини, ҳатто ўз позициясида бўлмаса ҳам майдонда жонбозлик кўрсатганини айтди. Шунингдек, оғир жароҳатдан кейин қўллаб-қувватлаш кутганини, аммо буни сезмаганини қўшимча қилди.
Линкольн бу фикрларни Fanatik нашрига берган интервьюсида билдирган. Ҳозирда Жозе Моуринё «Бенфика»ни бошқармоқда.
“Zamin”ни Telegram'да ўқинг!
