Португалиянинг Порто клуби Арсенал ҳимоячиси Якуб Кивиорни тўлиқ трансфер ҳуқуқи асосида ўз сафига қўшиб олди. Полшалик футболчи ўтган мавсумни ижара асосида Португалияда ўтказиб, жамоанинг чемпионликка эришишида муҳим рол ўйнади. Бу ҳақда Goal.com хабар беради.
Расмий маълумотларга кўра, Порто ушбу трансфер учун 17 миллион евро тўлайди. Шунингдек, келишувда натижаларга боғлиқ ҳолда қўшимча 5 миллион евро бонуслар ҳам кўзда тутилган. Умумий қиймат 19 миллион фунт стерлинггача етиши мумкин.
26 ёшли ҳимоячи янги клуби билан 2030-йилнинг июнига қадар мўлжалланган узоқ муддатли шартнома имзолади. Шартномада футболчининг товон пули 70 миллион евро этиб белгиланган.
Арсенал клуби келажакда футболчи бошқа жамоага сотилган тақдирда, 2 миллион евро миқдорида фоиз олиш ҳуқуқини сақлаб қолди. Якуб Кивиор ўтган мавсумда барча мусобақаларда 38 та ўйинда майдонга тушиб, ҳимоя чизиғининг ишончли вакилига айланди.
Эндиликда Кивиор бор эътиборини Порто сафида Чемпионлар лигаси ўйинларига ва янги мавсумдаги ички чемпионат баҳсларига қаратади.
“Zamin”ни Telegram'да ўқинг!
