Реал Мадрид ички муҳитида юзага келган муаммолар жамоада жиддий хавотирларни келтириб чиқарди. Эл Класико олдидан юлдуз футболчилар Кйлиан Мбаппе ва Antonio Rüdigerнинг кийим алмаштириш хонасидаги кескин муносабатлари клубдаги вазиятни янада мураккаблаштирди. Бу ҳақда Goal.com хабар беради.
Маълумотларга кўра, ҳимоячи Antonio Rüdiger машғулотлар вақтида жамоадошлари билан тортишиб қолган. Гарчи у кейинчалик узр сўраб, вазиятни юмшатишга уринган бўлса-да, бу воқеа жамоа ичидаги тарангликни ошириб юборди. Клуб раҳбарияти ҳимоячига нисбатан расмий интизомий чора кўрмаган.
Шу билан бирга, Кйлиан Мбаппе ҳам мураббийлар штаби билан келишмовчиликка борган. Машғулотлар жараёнида офсайд ҳолати бўйича ҳакамлик қилаётган ходимга нисбатан тажовузкор муносабатда бўлгани ва ҳақоратли сўзлар ишлатгани айтилмоқда. Бу ҳолат франциялик ҳужумчи ва техник ходимлар ўртасидаги муносабатлар совуқлашганидан далолат беради.
Ушбу воқеалар Барселона билан бўладиган ҳал қилувчи баҳс олдидан жамоа руҳиятига салбий таъсир кўрсатиши мумкин. Вальдебебасдаги машғулотлар базасида муҳит ҳар қачонгидан ҳам таранглашган.
“Zamin”ни Telegram'да ўқинг!
