Бавария фахрий президенти Ули Хёнес клуб бошқарувига Винсент Компанининг тайинланиши ортида Pep Guardiola билан бўлган махфий суҳбат турганини маълум қилди. Мюнхен клуби раҳбарияти янги мураббий излаш жараёнида Жулиан Нагелсманн, Ралф Рангник ва Ханси Флик каби номзодлар билан музокара олиб борган бўлса-да, якунда айнан белгиялик мутахассис танланди. Бу ҳақда Goal.com хабар беради.
Ули Хёнеснинг сўзларига кўра, Pep Guardiola клуб раҳбариятига Компанини кўзи ёпиқ ҳолда ишга олишни маслаҳат берган. Манчестер Сити устози агар Бавария уни ҳозир қўлга киритмаса, яқин икки-уч йил ичида у Манчестер Сити бошқарувига ўтиши мумкинлигини таъкидлаган.
Винсент Компани Бавариядаги фаолияти давомида ўзининг меҳнатсеварлиги ва интизоми билан клуб раҳбариятини ҳайратда қолдирди. У жамоада ишга бўлган муносабатни бутунлай ўзгартириб, машғулот базасига биринчи бўлиб келиб, охирги бўлиб кетадиган мураббий сифатида ўзини кўрсатди.
Томас Тухел давридаги муваффақиятсизликлардан сўнг, Компани жамоани қайта тиклашга муваффақ бўлди. Унинг қўл остида Бавария кетма-кет икки марта Бундеслига чемпионлигини қўлга киритиб, Европанинг энг кучли жамоаларидан бирига айланди.
“Zamin”ни Telegram'да ўқинг!
