«Фенербаҳче»нинг собиқ футболчиси Линколн клубнинг 2024–2025 йиллардаги бош мураббийи Жозе Моуринёни кескин танқид қилди. Бу ҳақда euro-football.ru хабар беради.
Линколннинг айтишича, португалиялик мутахассис унга берган ваъдасини бажармаган. Футболчи Моуринё кўп соврин ютганини тан олган бўлса-да, ўзига нисбатан ҳурматсизлик бўлганини таъкидлади: унинг назарича, ҳаётда характер титу́лдан ҳам муҳим.
Линколн «Халл Сити»га ижара асосида кетишидан олдин Моуринё билан гаплашганини эслатди. Унга кўра, мураббий футболчини Португалиядаги ёзги йиғинда кўришни хоҳлаганини айтган. Линколн мавсумни «Халл Сити»да якунлаб, йиғинга чақирув кутган, бироқ кейинроқ таржимон орқали Моуринёга чиқмоқчи бўлганида, мураббий мулоқотдан бош тортиб, спорт директорига йўналтирган.
Футболчининг сўзларига кўра, жамоа Португалияда бўлган пайтда у ҳам уйида Португалияда турган, аммо шунга қарамай Моуринё уни Истанбулга юбориб, алоҳида машғулот ўташини буюрган. Линколн буни адолатсиз ва ҳурматсиз муносабат деб баҳолади.
Шунингдек, у клубга ёрдам бериш учун кўплаб ўйинларда ўз позициясида бўлмаса ҳам бор кучини берганини, оғир жароҳатдан кейин эса қўллаб-қувватлаш кутгани, аммо бун и ҳис қилмаганини айтди. «Бошқалар каби машҳур футболчи бўлмасам ҳам, майдонда доим охиригача курашганман», — деди Линколн Fanatik нашрига берган интервьюсида.
Ҳозирда Жозе Моуринё «Бенфика»ни бошқармоқда.
“Zamin”ни Telegram'да ўқинг!
