Миланнинг «Интер» клуби ҳимоячиси Дензел Дюмфриснинг жароҳатдан кейинги қайтиш муддати бўйича янгиликлар пайдо бўлди. Бу ҳақда euro-football.ru хабар беради.
Журналист Паскуале Гуарронинг хабар беришича, Дюмфрис икки ҳафта ичида жамоа билан умумий машғулотларга қўшилиши кутилмоқда. Қайд этилишича, у 22-февраль куни «Лечче»га қарши учрашувга қадар сафга қайтиб улгуриши мумкин. 15-февралдаги «Ювентус» билан ўйин учун аризага киритилиши эҳтимоли бор, бироқ майдонга тушиши жуда қийин.
Жорий мавсумда 28 ёшли нидерландиялик футболчи барча мусобақаларда 15 та учрашувда қатнашиб, 3 та гол урди ва 1 та голли узатмани амалга оширди.
28-январ куни «Интер» Чемпионлар лигаси умумий босқичидаги якуний ўйинини Дортмунднинг «Боруссия» клубига қарши ўтказади. Учрашув 01:00 да (Тошкент вақти билан) бошланади.
“Zamin”ни Telegram'да ўқинг!
