Milaning «Inter» klubi himoyachisi Denzel Dyumfrisning jarohatdan keyingi qaytish muddati bo'yicha yangiliklar paydo bo'ldi. Bu haqda euro-football.ru xabar beradi.
Jurnalist Paskuale Guarroning xabar berishicha, Dyumfris ikki hafta ichida jamoa bilan umumiy mashg'ulotlarga qo'shilishi kutilmoqda. Qayd etilishicha, u 22-fevral kuni «Lechche»ga qarshi uchrashuvga qadar safga qaytib ulgurishi mumkin. 15-fevraldagi «Yuventus» bilan o'yin uchun arizaga kiritilishi ehtimoli bor, biroq maydonga tushishi juda qiyin.
Joriy mavsumda 28 yoshli niderlandiyalik futbolchi barcha musobaqalarda 15 ta uchrashuvda qatnashib, 3 ta gol urdi va 1 ta golli uzatmani amalga oshirdi.
28-yanvar kuni «Inter» Chempionlar ligasi umumiy bosqichidagi yakuniy o'yinini Dortmundning «Borussiya» klubiga qarshi o'tkazadi. Uchrashuv 01:00 da (Toshkent vaqti bilan) boshlanadi.
“Zamin”ni Telegramʻda oʻqing!
