Германия чемпионатининг 21-турида «Хайденхайм» ўз майдонида «Гамбург»ни қабул қилди. Учрашув мезбонлар учун омадсиз якунланди — меҳмонлар 0:2 ҳисобида ғалаба қозонди. Бу ҳақда euro-football.ru хабар беради.
Ўйин бошида Никлас Дорш ҳисобни очиш имкониятига эга бўлди, бироқ унинг хавфли зарбасини дарвозабон қайтарди. Биринчи бўлимга қўшиб берилган дақиқаларда «Гамбург» устунлигини голга айлантирди: Рансфорд Кенигсдёрффер аниқ зарба билан жамоасини олдинга олиб чиқди.
Иккинчи бўлимда Патрик Майнканинг бош билан йўллаган зарбаси ҳам хавфли чиқди, аммо «Гамбург» посбони чиройли сейв билан вазиятни қутқарди. Орадан кўп ўтмай, қарши ҳужумда Фабию Виейра пасидан кейин Раян Филипп фарқни иккига оширди — 0:2.
Мезбонлар Штефан Шиммернинг голи билан интригани қайтаришга уринди, аммо VAR аралашувидан сўнг гол бекор қилинди. Натижада «Хайденхайм» турнир жадвалининг қуйи қисмида қолмоқда, «Гамбург» эса 11-ўринда бормоқда.
“Zamin”ни Telegram'да ўқинг!
