"Эвертон"нинг ҳужумкор ярим ҳимоячиси Жек Грилиш жароҳат олган оёғидан жарроҳлик амалиётини ўтказди. 30 ёшли вингер бу ҳақда ижтимоий тармоқлардаги саҳифалари орқали хабар берди. Бу ҳақда euro-football.ru хабар беради.
Футболчи мавсумни бундай якунлашни истамаганини, бироқ вазият шундай кечганини таъкидлади. Грилишнинг ёзишича, операция муваффақиятли ўтган ва энди у тикланиш жараёнига эътибор қаратади. Шунингдек, у янада кучли қайтиб, майдонда янада яхши натижалар кўрсатишга ваъда берди ҳамда қўллаб-қувватлов учун мухлисларга миннатдорлик билдирди.
Грилиш жорий мавсумда "Эвертон" сафида 22 та учрашувда майдонга тушиб, 2 та гол урди ва 6 та голли пас муаллифи бўлди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
