«Антальяспор» ҳимоячиси Георгий Жикия Туркиядаги фаолияти ва клубдаги ҳолати юзасидан қисқа изоҳ берди. 32 ёшли футболчининг сўзлари «FNL s Il'yevym» телеграм-каналида эълон қилинган видеода келтирилди. Бу ҳақда euro-football.ru хабар беради.
Жикиядан «Антальяспор»даги ишлари қандай кетаётгани сўралганда, у «ҳаммаси яхши» дея жавоб қайтарди. Кейинги саволда Туркиядаги шароитлар тўлиқ маъқулми, деган саволга ҳам ҳимоячи жилмайиб, ҳаммасидан қониқаётганини таъкидлади.
Жикия ўтган ёзда «Антальяспор» сафини тўлдирган. Шу вақт ичида у 13 та учрашувда майдонга тушиб, 2 та гол муаллифи бўлди.
Ҳозирда «Антальяспор» Туркия Суперлигаси жадвалида 14-ўринда бормоқда. Жамоа навбатдаги ўйинини 13 февраль куни ўз майдонида «Самсунспор»га қарши ўтказади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
