Италиянинг «Интер» клубида тўп сурган собиқ ҳужумчи Алдо Серена жорий мавсумда «Интер»нинг асосий рақиби бўлиб турган «Милан» имкониятларини юқори баҳолади. Унинг фикрича, Массимилиано Аллегри бошқарувидаги жамоа ҳозирча рақибидан 5 очко кўпроқ йўқотган бўлса-да, чемпионлик пойгасида сўнгги тургача таслим бўлмайди. Бу ҳақда euro-football.ru хабар беради.
Серена «Милан»нинг имкониятини нафақат сақланиб қолаётган барқарор ўйин билан, балки «Интер»ни кутаётган юклама билан ҳам изоҳлади. Унга кўра, «Интер» учун Чемпионлар лигасидаги ўйинлар катта куч ва энергия талаб қилади, бу эса А Серия жадвалидаги курашга таъсир кўрсатиши мумкин. Собиқ футболчи ҳатто «Милан»ни чемпионлик пойгасида фаворит сифатида ҳам кўраётганини айтди.
Қайд этилишича, март ойининг бошида «Милан» ва «Интер» ўзаро учрашув ўтказади. Дерби 8-март куни бўлиб ўтади.
“Zamin”ни Telegram'да ўқинг!
