«Ан-Наср» бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлаб берди. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс ўтказади. Португалиялик юлдуз ҳужумчи яқин вақт ичида майдонга қайтиши кутилaётганди, бироқ бу сафарги ўйинда ҳам у рўйхатда бўлмайди.
«Зич тақвим сабаб Роналду ва асосий таркибдаги яна бир қатор футболчиларга дам беришга қарор қилдик. Олдинда «Ал-Фатех»га қарши жуда муҳим учрашув бор», — деди Жезуш. Мураббий сўзларини Al Nassr Zone келтирди.
Жезуш, шунингдек, Роналдуга дам бериш янгилик эмаслигини таъкидлади: ҳужумчи Саудия Арабистонидан ташқарида ўтказиладиган айрим баҳсларда аввал ҳам майдонга тушмаган.
Саудия чемпионатидаги «Ал-Фатех» — «Ан-Наср» ўйини шанба, 14 февраль куни бўлиб ўтади.
“Zamin”ни Telegram'да ўқинг!
