«Ал-Наср» бош мураббийи Жорже Жезуш Криштиану Роналдунинг яқинлашиб келаётган учрашувда майдонга тушмаслиги сабабини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Роналдунинг норозиликдан кейин тез орада қайтиши ҳақида гаплар бўлса-да, бу сафар ҳам у қайдномадан жой олмайди.
Жезушнинг айтишича, жамоа зич тақвим сабаб асосий таркибдаги бир қатор футболчиларга, жумладан Роналдунинг ўзига ҳам дам беришга қарор қилган. Мураббий олдинда «Ал-Фатех»га қарши муҳим учрашув турганини таъкидлади.
«Роналдуга дам берилиши янгилик эмас. Бу Саудия Арабистонидан ташқарида ўтадиган ўйинларда унинг майдонга тушмай қолиши биринчи ҳолат эмас», — дея Жезушнинг сўзларини Al Nassr Zone келтирди.
Саудия чемпионатидаги «Ал-Фатех» — «Ал-Наср» учрашуви шанба куни, 14 февралда бўлиб ўтади.
“Zamin”ни Telegram'да ўқинг!
