Марк Касадо "Барселона"ни тарк этишга қарор қилди
"Барселона" ярим ҳимоячиси Марк Касадо жорий мавсум якунлангач, клубни тарк этишга қарор қилди. Футболчи, мураббий Ханси Флик остида ўйин амалиёти камайиб кетганидан норози, асосий таркибдаги ўрнини йўқотган. Касадо Саудия Арабистони чемпионатига ўтиш эҳтимоли билан қизиқиш билдирган бир неча араб клублари томонидан кузатилмоқда. "Барселона" унинг трансфери учун тахминан 20 млн евро талаб қилиши кутилмоқда.
"Барселона" ярим ҳимоячиси Марк Касадо жорий мавсум якунлангач, Каталония клубини тарк этишга қарор қилди. 22 ёшли футболчи германиялик мутахассис Ханси Флик қўл остида ўйин амалиёти камайиб кетганидан норози бўлмоқда. Бу ҳақда Goal.com хабар беради.
Испаниянинг "Спорт" нашри хабарига кўра, Касадо жамоанинг асосий таркибидаги ўрнини йўқотган ва фақат кам сонли дақиқаларда майдонга тушмоқда. Жароҳатдан сўнг Гави қайтиши ярим ҳимоядаги рақобатни янада кучайтирди ва Касадонинг имкониятларини чеклаб қўйди.
Футболчи "Барселона"нинг сўнгги 12 ўйинидан 7 тасини ўтказиб юборди, ҳатто "Эспанёл"га қарши дерби баҳсида ҳам асосий таркибга киритилмади. Ҳозирда клуб раҳбарияти у билан шартномани узайтириш бўйича музокаралар олиб бормаяпти.
Касадонинг кейинги манзили Саудия Арабистони чемпионати бўлиши эҳтимоли юқори. Бир неча араб клублари ёш иқтидор эгасига қизиқиш билдирмоқда.
"Барселона" ўз тарбияланувчиси учун тахминан 20 млн евро миқдорида трансфер пули талаб қилиши кутилмоқда.
Изоҳлар 0
…