Италия А Сериясининг 25-тур марказий учрашувида Миланнинг «Интер» жамоаси Туриннинг «Ювентус» клубини қабул қилди. Учрашув голларга бой кечиб, «нерадзуррилар» 3:2 ҳисобида ғалаба қозонди. Бу ҳақда euro-football.ru хабар беради.
Ўйин тугаши билан «кекса синьора» бош мураббийи Лучано Спаллетти баҳс ҳаками Федерико Ла Пеннанинг ёнига кескин тарзда йўл олди. Мутахассис ҳакамлик қарорларидан жиддий норози бўлгани таъкидланмоқда, дея ёзади Gazzetta dello Sport.
Манбага кўра, томонлар ўртасидаги тортишув стадионнинг туннел қисмида ҳам давом этган. Вазиятга аралашганлар орасида Жоржо Кьеллини ва Дамйен Комолли ҳам кўринган.
Ушбу мағлубиятдан кейин «Ювентус» 46 очко билан турнир жадвалида бешинчи ўринда бормоқда. «Интер» эса 61 очко билан пешқадамликни ишончли ушлаб турибди.
“Zamin”ни Telegram'да ўқинг!
