"Барселона" Бастони бўйича "Интер" билан музокарани бошлади
«Барселона» ҳимоя чизиғини кучайтириш учун «Интер» футболчиси Алессандро Бастони билан шахсий келишувга эришди. Ҳозирда клублар трансфер нархи ва шартлари бўйича музокаралар олиб бормоқда. Маълумки, италиялик клуб битим доирасида «Барселона»дан Ҳектор Фортни талаб қилиши мумкин.
"Барселона" ҳимоя чизиғини кучайтириш мақсадида Алессандро Бастони билан шахсий шартнома бўйича келишувга эришгани маълум бўлди. Бу ҳақда журналист Маттео Моретто хабар берди.
Эндиликда асосий босқич клублар ўртасидаги трансфер нархи бўйича музокараларга бориб тақалмоқда. Манбаларга кўра, "Интер" Милан шартнома доирасида қўшимча футболчи талаб қилиши мумкин.
Айтилишича, италиялик клуб “Барселона” таркибидан бир футболчини келишувга қўшиш вариантини кўриб чиқмоқда. Асосий номзод сифатида Ҳектор Форт тилга олинган.
Маълумот учун, Бастони жорий мавсум Серия Ада 26 та учрашувда майдонга тушиб, 1 та гол ва 4 та голли узатма қайд этган. Унинг “Интер” билан амалдаги шартномаси 2028 йил ёзига қадар кучда қолади.
Ҳозирча томонлар ўртасидаги музокаралар давом этмоқда ва трансфер бозорида бу битим мавсумнинг энг қизиқ мавзуларидан бирига айланиши кутилмоқда.
Изоҳлар 0
…