Криштиану Роналду «Ал-Наср» билан юзага келган келишмовчиликларни ортда қолдирди ва бойкотдан сўнг яна майдонга қайтди. Шунга қарамай, ёзда юлдузли португалиялик футболчи клубини алмаштириши эҳтимоли ҳамон долзарб. Бу ҳақда euro-football.ru хабар беради.
The Touchline хабарига кўра, агент Жорже Мендеш Европанинг бир қатор топ клублари билан алоқага чиқиб, ёзги трансфер ойнасида 41 ёшли Роналдуни таркибга қўшиб олиш вариантини таклиф қилмоқда.
Аввалроқ матбуотда Роналду «Манчестер Юнайтед»дан кетганидан кейин келиб чиққан келишмовчиликлар сабаб Мендеш билан ҳамкорликни тўхтатгани ҳақида гаплар тарқалган эди. Бироқ Transfermarkt маълумотларида Криштиану ҳануз Мендеш агентлигининг мижози сифатида кўрсатилган.
Роналду ва «Ал-Наср» ўртасидаги амалдаги шартнома 2027 йилнинг ўрталаригача кучда.
“Zamin”ни Telegram'да ўқинг!
