Россия терма жамоасининг собиқ футболчиси Дмитрий Булыкин «Монако» марказий ярим ҳимоячиси Александр Головиннинг сўнгги ўйинлардаги ҳаракатлари ҳақида фикр билдирди. Бу ҳақда euro-football.ru хабар беради.
Монаколиклар сардори кетма-кет икки учрашувда майдондан четлатилди: франсуз чемпионатида «Нант»га қарши баҳсда ва Европа Чемпионлар лигасида «ПСЖ» билан тўқнашувда.
Булыкиннинг таъкидлашича, биринчи қизил карточка қўполлик оқибати бўлмаган: Головин доим кураш марказида бўлгани, тўпни қайтариб олишга интилгани сабабли шундай вазият юзага келган. Иккинчи эпизодни у кўрмаганини айтди, бироқ ярим ҳимоячи футбол ўйнаш истагини йўқотган ёки хулқи кескин ўзгарган, деган фикрга қўшилмаслигини билдирди.
Головин жорий мавсумда 26 ўйинда майдонга тушди. 29 ёшли хавбек ҳисобида 2 та гол ва 4 та голли узатма бор.
“Zamin”ни Telegram'да ўқинг!
