Уругвайлик ҳужумчи Эдинсон Кавани «Бока Хуниорс»ни тарк этиши мумкин. Гап унинг ўзи кетишни хоҳлаётганида эмас, балки клуб атрофидаги босим тобора кучайаётганида. Каванининг ўйини мухлисларни қониқтирмаяпти ва у тобора кўпроқ ҳуштакбозликка учрамоқда. Бу ҳақда euro-football.ru хабар беради.
Сўнгги учрашувда ҳам шундай ҳолат кузатилди: «Матадор» алмаштирилаётган пайтда трибуналардан кескин ҳуштаклар янгради. Бироқ захирадан тушган футболчи вазиятни ўзгартира олмади — «Бока» «Платенсе» дарвозасини ишғол эта олмади ва ўйин 0:0 ҳисобида якунланди.
Шундан сўнг Аргентина ОАВ Каванининг шартномасини узайтириш масаласига жуда эҳтиёткор баҳо бермоқда. Устига устак, клуб парагвайлик Адам Барейрони ҳам таркибга қўшиб олди ва кўпчилик айнан у 39 ёшли тажрибали футболчини асосий таркибдан сиқиб чиқаришини кутмоқда.
“Zamin”ни Telegram'да ўқинг!
