Urugvaylik hujumchi Edinson Kavani «Boka Huniors»ni tark etishi mumkin. Gap uning o'zi ketishni xohlayotganida emas, balki klub atrofidagi bosim tobora kuchayayotganida. Kavanining o'yini muxlislarni qoniqtirmayapti va u tobora ko'proq hushtakbozlikka uchramoqda. Bu haqda euro-football.ru xabar beradi.
So'nggi uchrashuvda ham shunday holat kuzatildi: «Matador» almashtirilayotgan paytda tribunalardan keskin hushtaklar yangradi. Biroq zaxiradan tushgan futbolchi vaziyatni o'zgartira olmadi — «Boka» «Platense» darvozasini ishg'ol eta olmadi va o'yin 0:0 hisobida yakunlandi.
Shundan so'ng Argentina OAV Kavanining shartnomasini uzaytirish masalasiga juda ehtiyotkor baho bermoqda. Ustiga ustak, klub pargvaylik Adam Bareyroni ham tarkibga qo'shib oldi va ko'pchilik aynan u 39 yoshli tajribali futbolchini asosiy tarkibdan siqib chiqarishini kutmoqda.
“Zamin”ni Telegramʻda oʻqing!
