Россия терма жамоасининг собиқ ҳужумчиси Александр Кержаков миллий жамоанинг бугунги таркиби ҳақида фикр билдирди. Унинг айтишича, Валерий Карпин қўл остида йиғилган футболчилар ёмон эмас. Бу ҳақда euro-football.ru хабар беради.
Кержаков айниқса Александр Головиннинг Европада жиддий даражада ўйин кўрсатаётганини таъкидлади. Бироқ у ҳозирги жамоа 2026 йилги жаҳон чемпионати ёки Европа чемпионатида қандай натижа қайд этиши мумкинлиги ҳақида баҳо беришдан тийилди.
Шунингдек, собиқ футболчи Россия терма жамоаси расмий мусобақаларга тезроқ қайтишига умид билдирди.
Терма жамоанинг навбатдаги йиғини тўрт ҳафтадан сўнг бўлиб ўтади. РФУ ҳали март ойидаги ўртоқлик учрашувлари учун рақибларни эълон қилгани йўқ, аммо эҳтимолий рақиблардан бири Мали терма жамоаси бўлиши кутилмоқда.
“Zamin”ни Telegram'да ўқинг!
