Rossiya terma jamoasining sobiq hujumchisi Aleksandr Kerjakov milliy jamoaning bugungi tarkibi haqida fikr bildirdi. Uning aytishicha, Valeriy Karpin qo'l ostida yig'ilgan futbolchilar yomon emas. Bu haqda euro-football.ru xabar beradi.
Kerjakov ayniqsa Aleksandr Golovinning Yevropada jiddiy darajada o'yin ko'rsatayotganini ta'kidladi. Biroq u hozirgi jamoa 2026 yilgi jahon chempionati yoki Yevropa chempionatida qanday natija qayd etishi mumkinligi haqida baho berishdan tiyildi.
Shuningdek, sobiq futbolchi Rossiya terma jamoasi rasmiy musobaqalarga tezroq qaytishiga umid bildirdi.
Terma jamoaning navbatdagi yig'ini to'rt haftadan so'ng bo'lib o'tadi. RFU hali mart oyidagi o'rtoqlik uchrashuvlari uchun raqiblarni e'lon qilgani yo'q, ammo ehtimoliy raqiblardan biri Mali terma jamoasi bo'lishi kutilmoqda.
“Zamin”ni Telegramʻda oʻqing!
